و قلبي يدق و يرجف

والليل طويل و مسرف

بكاني و  ربك يلطف

بكاني الزمن نيران

حسسني بقهر و حرمان

مريت و شفت نسوان

أسماء وصلن للألف

أسماء كثيرة و حلوة

كلت الهن عيني و فدوة

كل وحدة بيهن بلوة

تغويني ب آه و نصف

لكن انتي غير كلهن

حقيقة مو طيف و جن

خيالي مَن صَنعهن

ابشعري ياء و ألف

ياااا من غربة فؤادي

ابليلي و طول سهادي

حطني زماني بوادي

حتى الليل ما ينتصف

عجبي !!  انك ما تدرين

لو تدرين و ما تصدكين

ابعاشق مخلص أمين

بالله والقرآن أحلف

احلف انك حياتي

واغلى من ذكرياتي

ويومي والغد الآتي

أفديكي بعمري وأردف

أردف أكول أحبك

واظل أعيش بحبك

حرام يظلمني قلبك

يبعدني و ما هو ينصف

عجبي ! يبعدني عنها

جا شلون اعيش بدونها

اتمنى اوصل يمها

واموت قبل ما تطرف

عيونها، اجمل عيون
 

منها ما تصير وما تكون

ملاك    ... و آني مجنون

مجروح و دمي ينزف

وحدها اللي ببالي

اسهر طول الليالي

عجبي!! على حالي

مهموم بحبي و مكلف

عجبي ! اللي أحبها

واعيش و اموت لاجلها

وما عندي أغلى منها

باشتياقي ما تعرف

ابصدري نار مولعة

تحرقني و تحرق سبعة

والدمعة تجرّ الدمعة

و دموعاتي ما تجف

نكضيها من العام للعام

فرقة وبعاد و خصام

عجبي !!  اشبيها الايام

يوم عن يوم ما يختلف