|
الطفله اللي تساوي في عيوني ذهب.
يا غلوها لاضحكت لي ثم تحضنتها.
ويا حلوها لا حكت لي والسوالف عجب.
ماغير (بابا حلو) لين إني أدمنتها.
هذيك (نوره) من الرحمن يومه وهب.
أدخلتها في زوايا القلب واسكنتها.
اليا بدت شيطنتها ما عليها عتب.
بنت(ن) يفز الخفوق إليا تشيطنتها.
يا قبلة الله على سلهامها بالهدب.
ما يشبه إلا هدب من شفت وأمنتها.
في نظرة اعيونها حب(ن) علي انكتب.
ماهوب حب البنات أبو شهر وانتهى.
وان مدت البوز قالت توت وإلا عنب؟.
أنا أشهد إني خسرت إن كان راهنتها.
وان شفتها تلعب ومعها بنات العرب.
كل الصغيرات في عيني تشاينتها.
وان شفتها تحتضن بنت(ن) من أغلى اللعب.
أقول يالله عساها تحتضن بنتها.
نورة تلون حياتي مثل لون السحب.
وانا بذوقي وشعري جيت لونتها.
شعر : فيحان الصواغ
|
